Башкаруучу директор Артем Хондожко компаниянын түзүлүү тарыхы тууралуу

Үй-бүлөбүздөгү башкы логист атам болчу — алыскы сүзүүнүн капитаны.
Бирок деңизчи кесибинин чоң кемчилиги бар: үйдөн узак убакытка кетесиң, баланын төрөлүшү сыяктуу маанилүү окуяны өткөрүп жиберишиң мүмкүн. Ошондуктан деңизчи болуунун ордуна Деңиз академиясына тапшырып, «Кемелерди жана портту башкаруу» факультетинде окуй баштадым.
Милдеттери абдан окшош, бирок үй-бүлөң менен жээкте каласың.
Логист катары жолум ушинтип башталды.
Окуп жүргөндө деле бир нече жолу деңизге чыгып, баа жеткис тажрыйба алууга үлгүрдүм.
Жогорку окуу жайын бүтүргөндөн кийин талыкпай аракет кылып, ири деңиз линияларынын бири — Containerships компаниясына жумушка орноштум. Тажрыйба топтоп, ар бир майда-чүйдөгө кызыгып, качандыр бир кезде өз компаниям болот деп ишенчүмүн.
Мына, 10 жылдан бери бул бизнесте ийгиликтүү иштеп келем, көздөгөнүмө жеттим. Мен — өзүмдүн транспорттук-экспедициялык компаниямдын капитанымын. Курамыбызда мыкты команда бар, аны менен кандай гана бороон болбосун туруштук бере алабыз. Биз дайыма сөзүбүзгө турабыз жана милдетибизди 107%га аткарабыз. Анткени биз — Lazarus Forwarding командасыбыз.

Биздин адистигибиз

Биздин адистигибиз — сынма жүктөрдү пайдалуу жана бүтүн ташуу. Испаниядан, Италиядан жана Индиядан Борбордук Азия өлкөлөрүнө керамикалык плитканын ири партияларын үзгүлтүксүз жеткирип турабыз. Товар сынып калса (мындай кесипкөйлөрдө да болот), зыяндын орду камсыздандыруу төлөмдөрү менен толтурулат. Ишенимдүү өнөктөштүк мамилелер — биздин күчтүү жагыбыз.